


U-Arthur Akazukuyeka Ukucula
lndibano yosapho eyatshintsha isigqibo sikaArthur sokuyeka ukucula xa wayekunye nabazali bakhe emzini wabo eMidrand.
Umsebenzf
uyaqhubeka
njengesiqhelo
kuArthur, uthetha nabaxumi bakhe kwiofisi esemzini wakhe.


Kubekho ukumbombozela xa iKumkani yeKwaito uArthur Mafokate, idiza ukuba iza kuyeka ukucula. U-Arthur uncokole noMhleli Wezolonwabo, uBONGANI HLATSHWAYO, malunga nomsebenzi wakhe nangokukhuphisana emculweni. Kufote uLUCKY NXUMALO.

N
 GO-1994 ikumkani yekwaito ingene kwiqonga lomculo inenjongo enye: ukuba yeyona mvumi ibalaseleyo kweli enohlobo lwayo olulodwa lomculo.
Loo mnqweno uphantse waphelel emoyeni xa izoyikiso zokumbulala zifikelela kwinqanaba elinganyamezelekiyo emva kokuba kuhlaselwe usapho lwakowabo, hlaselo olo wenzakala kulo umninawa wakhe, uMakhendlas.
Nakuba kukho impikiswano ngendlela acula ngayo, kunzima ukufumana ukuba uArthur Mafokate, obefudula enguMr Soweto nongumdanisi ohlawulwayo angabuphemba njani ubundlobongela ngomculo wakhe.
U-Arthur wacel umngeni kumculo wepop owawukhawuleza uphelelwe kwiminyaka yoo-90, ngokuthi gqi nohlobo lomculo ekuthiwa yi-kwaito kule mihla - umculo womjuxuzo othandwayo ezilokishini noyinxalenye yobomi obuphilwa kule mihla.
Inkoliso yamazwi eengoma zekwaito ayaphindwa-phinclwa kodwa anamazwi anomtsalane
ngamaxesha amnandi, kanti akwanemixholo enento yokwenza ngezentlalo neepolitiki. lkwaito kuthiwa iyelele kwihip-hop yaseMerika.
U-Arthur uthi: lkwaito yeyokonwabisa uluntu. lnika abantu isingqisho saselokishini abasithandayo.
U-Arthur uyenye yezona mvumi zaseMzantsi-Afrika zihlawulwa imali
entle, uhlawulwa i-R15 000 eza kucula. Sethengise ngaphezu kwe-150 000 ngecwecwe elithi Kaffir, ntengiso leyo ilingana neyecwecwe leBoom Shaka elithiywe kwangayo, icwecwe lakhe elitsha elithi Die Poppe SaI Dans nalo lithengwa okwamagwinya ashushu.
Impumelelo yekwaito iqhubekile ngokuba uArthur aseke amaqela adumileyo njengeAbashante, iNew

Iinjongo zomculo weKwaito kukonwabisa abantu, utsho uArthur Mafokate.


School, iMakhendlas, iPinky-Pinky, iBambezela, iSupa Star, iZemene, iChiskop, iStich neThabo.
Kwakunzima ukuseka la ,aqela omculo, utsho uArthur. Kwakufuneka ndifune abantu abanesiphiwo endinokusebenza lula nabo. Isiphiwo sikaArthur sokukwazi ukuseka amaqela omculo anempumelelo usifumene kumava akhe kwishishini lomculo.
Wakwaziwa ngabantu kunzima ukumelana nazo zonke izinto abantu abazilindeleyo kuwe.
Ude ucinge
ukuba
abantu

bayakuzonda.
Okona kubi kuxa ulindelwe ukuba wenze okungaphaya
kwamandla akho mihla le. Abaququzeleli bafuna ukuba
uyocula kwiindawo ezininzi. Xa imali ingena bayakulibala. Bakukhumbula xa kubekho okungahambanga kakuhle - uze wena mculi kufuneke uthwal ityala!
Phezu kwabo bonke obu bunzima, uArthur ube nempumelelo ngomculo wakhe wekwaito kweli kwiminyaka emithathu edlulileyo.
Okwenza uArthur wathetha ngokuyeka ukucula kukuxhalaba ngokhuseleko losapho lwakowabo, nokungavani okukhona emculweni.
Ukugxekwa kwakhe eluntwini ngamaqela aphikisana naye
emculweni kuquka izityholo
zokuba uguquguqula umculo wawo, wenza amadinga nabasetyhini abacula kuwo nokuba ukhuphisana nawo ngokulinganisa izimbo zawo.
Ezo zimbo bathi ndazikopa kubo ndim endathi gqi nazo emculweni, utshilo uArthur.
Elinye igxeke lelokuba usoloko efuna iimvumi zakhe zicule kuqala ekhonsathini emva koko zigoduke.
Uchaza athi: lnkoliso yeemvumi zifuna ukucula ekugqibeleni ekonsathini. Eyona ngxaki kuthi bantu abazivulayo iikhonsathi kukuba ezinye ziyoyiswa kukufikelela kumgangatho ebesicula ngawo.
Wavuma ukuyeka ukucula uArthur nakuba kwakunzima xa wayecelwa ngabazali bakhe emva kokuba kwenzakele uMakhendlas kuhlaselwa kowabo.
Nciasayithobela into abandixelele yona. Kaloku bangabazali bam, utshilo uArthur.
Emva kokuxoxa kwakhona, abazali bakaArthur bavuma ukuba aqhubeke nokucula xa eza kuqhubeka nokufunda.
Umyalezo kaArthur kubalandeli bakhe uthi: Qhubekani nokuxhasa umculo wekwaito. Ndiza kuqhubeka ndiwuyila umculo ovumelana namaxesha.
Ukuze abantu basithande,
kufuneka sihloniphane
kuqala. 




Ndikulangazelela ngamandla ukudlalela
iChiefs! utsho






Umdlali ophambili weOrlando Pirates, uJerry Legs of Thunder
Sikhosana, uthe pahaha umnqweno wakhe obusoloko ulihlebo -ukudlalela iKaizer Chiefs!
Kutshanje uSikhosana ukhe wangadlali kwipirates emva kokuba ehlelwe yingozi yemoto.


kubhale uWILLIE BOKALA kufote uLUCKY NXUMALO


Q
 HO xa uJerry Sikhosana efaka inqaku xa iOrlando Pirates idlala neChiefs, uyamphoxa unina.
UNksk. Sikhosana akazi ukuba kungani umntwana wakhe wesithathu eqhubeka nokuphelisa imincili aba nayo xa ebona iqela alithandayo iChiefs itywatyusha iOrlando Pirates. Ngenye imini wade wancokola ngokuthi uza kuyeka ukuphekela umntu ododobalisa iqela alithandayo.
Ngenene ke uSikhosana uyayingcwaba iChiefs! Wayiqala kumdlalo wesemi-fayinali yeBobsave Cup apho wafaka amanqaku amathathu iChiefs ibhulelw amasaka ngo-4-1 yipirates. Uphinde eso ngo-Januwari ngokufaka inqaku ephumelele ngalo ipirates nelophule irekhodi entle yechiefs yokungabethwa emidlalweni yePremier Soccer League.
Kodwa ngoku ihlebo lidulile USikhosana unqwenela ukudlalela lona eli qela asoloko elingcwaba.
Ndidlalela ipirates kuba indiqeshile. ngoko kufuneka ndiwenze kakuhle umsebenzi wam. Ndikhe ndifake amanqaku abalulekileyo xa ithuba ndilifumana. Ndifaka amanqaku nakwiqela endilithandayo kuba ndifuna ukuzibonakalisa ebantwini, kuquka noClive Barker. Ndifuna ukubonisa
iKaizer Chiefs ukuba ndingumdlali oyingozi. Ngaloo ndlela ndithi kuyo xa ifuna umdlali waphambili mayicinge ngoJerry. Kudala ndandikunqwenela ukunxiba ijezi yayo egolide namnyama.
Kodwa eli qela alingxamelanga kumthenga 10 mdlali, kwaye yena usathi, Ungaze ubheje ngemali yakho ukuba iza kuphumelela iChiefs xa sidlala nayo.
UJerry Sikhosana waqala ukudlala


Xa ndandiqala ukudlalela ipirates abalandeli bayo babengandithandi. Babesithi andibaniki abanye abadlali ibhola. Phofu ke ingxaki yabo kukuba babengayazi indlela endidlala ngayo. Ngoku bayazi ukuba ndidlala kanjani.
Ndiyavuma ukuba ndinomona wokufaka amanqaku, kodwa ke oko kuyandinceda kanti nabo kuyabanceda. Umqeqeshi wePirates wayeyiqonda indlela endidlala ngayo. Yiloo nto eyayimenza andifake emdlalweni nokuba abalandeli abandithandi. Eyona nto wayeyifuna ngamanqaku, yaye ewafumana.
Umqeqeshi weqela lelizwe, uClive Barker, naye uyamqonda uSikhosana ukuba ungumdlali onjani, yaye umnike ithuba lokubonakalisa isiphiwo sakhe kwiqeta lelizwe. USikhosana wathandwa ngokukhawuleza ngabalancieli kuba nguye owadribula abadlali basemva beZaire waza wathumela ibhola kuMasinga owafaka inqaku. IBafana Bafana yabetha iZaire ngo-1-O kuloo mdlalo weWorld Cup.
Nangona engumdlali obonakala enengcwangu ebaleni, uJerry uthetha ngokupholileyo yaye ungumntu okuthandayo ukuncokola. Ndiyathanda ukuhlala nabahlobo sincokole, utshilo ngobomi bakhe nabahlobo.
Uya kunqandwa ziinkwenkwezi to mdlali bambiza ngokuba ngu-Legs of Thunder. lminqweno yakhe yengomso kukudlalela elinye lamaqela aphambili aseYurophu iminyaka emibini okanye emithathu. 



42 BONA XHOSA - April 1997

		BONA XHOSA April l997 43

44 BONA XHOSA - Atii97

		BONA XHOSA - April 1 997 45

